YANVAR-APREL AYLARINDA NEFT İXRACI 60,7 FAİZ ARTMIŞDIR
AZƏRTAC xəbər verir ki, cari ilin yanvar-aprel aylarında Azərbaycan Beynəlxalq Əməliyyat Şirkəti (ABƏŞ) 5 milyon 507 min ton neft ixrac etmişdir. Bu, 2005-ci ilin eyni dövrünün göstəricisindən 60,7 faiz çoxdur. Hesabat dövründə Bakı-Supsa boru kəməri ilə ABƏŞ-in nəql etdiyi neftin həcmi 2 milyon 333 min ton olmuşdur. Bunun 604,36 min tonu aprel ayının payına düşür. Bu ilin ilk dörd ayında Bakı-Novorossiysk kəməri ilə 1 milyon 335,196 min ton neft ixrac edilib ki, bu da ötən ilin yanvar-aprel aylarının göstəricisindən 3,3 dəfə çoxdur. Apreldə isə şimal istiqamətində 340,86 min ton neft nəql olunmuşdur. İlin əvvəlindən dəmir yolu xətti ilə Gürcüstanın Batumi limanına 1 milyon 839 min ton, o cümlədən aprel ayında 524,293 min ton neft göndərilmişdir.
Bölmənin digər xəbərləri
