YAPONİYA HƏRBİ XƏRCLƏRƏ GÖRƏ DÜNYANIN ÜÇ ÖNCÜL DÖVLƏTİ ARASINDADIR

01.07.2004 [18:49]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, rəsmən ordusu olmayan Yaponiya hərbi xərclərə görə ABŞ və Böyük Britaniya ilə birlikdə dünyanın üç öncül ölkəsi arasındadır. Belə ki, özünün yarım əsrlik yubileyini qeyd edən Yaponiya milli özünümüdafiə qüvvələrinin ehtiyaclarına bu il 4,9 trilyon yena (54,6 milyard dollar) ayrılmışdır.

ABŞ-ın hərbi büdcəsinin həcmi 401,3 milyard, Böyük Britaniyanınkı isə, valyuta məzənnələrinin dəyişmələrindən asılı olan cüzi fərqlər nəzərə alınmazsa, əslində, Yaponiya hərbi büdcəsinin həcminə bərabərdir. Sonrakı yerdə Fransa gəlir, lakin onun hərbi xərclərinin məbləği 40 milyard dollardan çox deyildir.

Yaponiyanın özünümüdafiə qüvvələri fəaliyyət göstərdiyi 50 il ərzində, əslində, güclü orduya çevrilmiş və iki dəfə artaraq, 237 min nəfərə çatmışdır. İndi o, hərbçilərin sayına görə Böyük Britaniya və İtaliya kimi dövlətlərin silahlı qüvvələrini arxada qoymuşdur.

YAPONİYA HƏRBİ XƏRCLƏRƏ GÖRƏ DÜNYANIN ÜÇ ÖNCÜL DÖVLƏTİ ARASINDADIR

MÜƏLLİFLƏ ƏLAQƏ

Bölmənin digər xəbərləri