Yardımlılar Xocalı soyqırımı qurbanlarının xatirəsini ehtiramla anmışlar
Yardımlı, 26 fevral (AZƏRTAC). Yardımlı Rayon İcra Hakimiyyətində Xocalı soyqırımının iyirmi birinci ildönümünə həsr olunmuş ümumrayon tədbiri keçirilmişdir.
AZƏRTAC xəbər verir ki, tədbir iştirakçıları əvvəlcə “Şəhidlər” abidə kompleksinin önünə gül dəstələri düzərək soyqırımı qurbanlarının xatirəsini ehtiramla yad etmişlər.
Toplantıda çıxış edənlər mənfur düşmənimiz olan erməni quldurlarının 1992-ci il fevralın 25-dən 26-na keçən gecə Xocalı şəhərində törətdikləri qanlı faciədən söz açaraq bu vəhşiliyi XX əsrdə Azərbaycan xalqına qarşı törədilən ən ağır qanlı hadisə, soyqırımı kimi qiymətləndirmiş, faciənin təkcə Azərbaycan xalqına qarşı deyil, bütövlükdə bəşəriyyətə və insanlığa qarşı törədilmiş cinayət olduğunu diqqətə çatdırmışlar.
Bölmənin digər xəbərləri
