Yasamal rayonunda tavanın uçması nəticəsində üç nəfərin xəsarət alması faktı üzrə araşdırma aparılır
Bakı, 19 yanvar, AZƏRTAC
Yanvarın 19-da saat 13 radələrində Yasamal rayonu, Mikayıl Müşfiq küçəsində yerləşən mərasim evinin 2 mərtəbə arasındakı tavanının çökməsi nəticəsində müxtəlif dərəcəli bədən xəsarətləri alan, hüzr mərasimində iştirak edən 3 nəfər - 1949-cu il təvəllüdlü Mustafayeva Fatma Xamoy qızı, 1955-ci il təvəllüdlü Mirzəyeva Rahilə Xamoy qızı və 1958-ci il təvəllüdlü Rüstəmova Rəna Xamoy qızına ilkin tibbi yardım göstərilərək xəstəxanaya yerləşdirilib.
Bu barədə AZƏRTAC-a Baş Prokurorluğun mətbuat xidmətindən bildirilib.
Hazırda hadisə yeri prokurorluq əməkdaşları tərəfindən müayinə olunur.
Fakt üzrə Yasamal Rayon Prokurorluğunda araşdırma aparılır.
Bölmənin digər xəbərləri
