YƏMƏNDƏ PREZİDENT SEÇKİLƏRİNDƏ İNDİKİ DÖVLƏT BAŞÇISI QALİB GƏLDİ

21.09.2006 [13:06]
Çap et
A⁺ A^-

AZƏRTAC İTAR-TASS-a istinadla xəbər verir ki, Yəməndə sentyabrın 20-də keçirilən prezident seçkilərində son 16 ildə hakimiyyətdə olan Əli Abdulla Saleh inamlı qələbə qazanmışdır. Bunu paytaxt Sənada keçirilən mətbuat konfransında Ali Seçki Komissiyasının sədri Xalid əş-Şərif bildirmişdir.

Onun sözlərinə görə, səslərin hesablanmasının ilkin nəticələri göstərir ki, seçkilərdə iştirak edən yəmənlilərin 82 faizi indiki dövlət başçısını dəstəkləmişdir. Prezidentin əsas rəqibi – müxalifətin nümayəndəsi Feysəl Osman bin Şamlan 16 faiz səs toplamışdır.

Ümumiyyətlə, prezidentliyə beş nəfər namizəd göstərilmişdi.

Seçicilərin fəallığı yüksək idi. Seçkilərdə səs hüququ olan ölkə sakinlərinin 80 faizi iştirak etmişdir. Lakin gözlənilməz hadisələr də baş vermişdir. Müxtəlif namizədlərin tərəfdarları arasında toqquşmalar zamanı, rəsmi məlumata görə, üç nəfər, müxalifətin məlumatına görə isə, səkkiz nəfər həlak olmuşdur.

Prezident seçkiləri ilə yanaşı, yerli hakimiyyət orqanlarına da seçkilər keçirilmişdir.