YENİ İZAHLI LÜĞƏT NƏŞR EDİLMİŞDİR
Lüğətdə toplanmış terminlər bitkilərdə fizioloji və biokimyəvi proseslər zamanı baş verən boyatma, böyümə, inkişaf, tropizmlər, fotosintez, maddələr mübadiləsi, molekulyar biologiya, anatomiya, botanika və sair elm sahələrinə aid məlumatları əhatə edir.
AMEA Botanika İnstitutunun “Bitkilərin köklə qidalanmasının fiziologiyası” laboratoriyasında hazırlanmış təkrar nəşrə 250-dən artıq yeni termin əlavə olunmuşdur. Termin və anlayışlar Azərbaycan, rus və ingilis dillərində verilmişdir. Lüğətin tərtibində biologiya, bitki fiziologiyası və onunla uzlaşan digər elm sahələrinə aid rus dilində dərc edilmiş və mütəxəssislər tərəfindən müsbət qiymətləndirilən xeyli ensiklopedik lüğət, sorğu kitabı, monoqrafiya və dərsliklərdən istifadə edilmişdir.
Azərbaycan Milli Elmlər Akademiyasının 60 illik yubileyi ilə əlaqədar işıq üzü görən lüğətin tərtibçiləri biologiya elmləri doktorları Əmir Mərdanov, Nəfisə Mərdanova, biologiya elmləri namizədləri Ədalət Səmədov və Tamilla Şirvanidir.
Lüğətin elmi redaktoru akademik Cəlal Əliyevdir.
Bölmənin digər xəbərləri
