Yeni Zelandiyada qaz ehtiyatları kəskin azalıb
Bakı, 14 may, AZƏRTAC
Yeni Zelandiyada təbii qaz ehtiyatları son 20 ilin ən aşağı səviyyəsinə düşüb.
AZƏRTAC xəbər verir ki, bu barədə ölkənin Biznes, İnnovasiya və Məşğulluq Nazirliyi məlumat yayıb. Bildirilib ki, 2026-cı il yanvarın 1-nə ölkənin qaz ehtiyatları 23 faiz azalaraq 731 petajul təşkil edib. Ən böyük azalma ölkənin iri qaz yataqlarından biri olan “Pohokura” yatağında qeydə alınıb.
Energetika naziri Simeon Braun bildirib ki, “Maui” yatağında hasilat bu il dayandırılacaq, 2036-cı ilə qədər isə səkkiz qaz yatağının bağlanacağı gözlənilir. Nazirin sözlərinə görə, qaz təchizatının azalması enerji qiymətlərinin artmasına və iqtisadiyyata mənfi təsir göstərir.
Hökumət enerji təhlükəsizliyini gücləndirmək üçün qaz kəşfiyyatı qadağasını ləğv edib və yeni dəstək tədbirləri həyata keçirməyə başlayıb.
Bölmənin digər xəbərləri
