YEVLAXDA ÇƏLTİK YIĞIMI BAŞA ÇATMIŞDIR
Yevlax, 8 oktyabr (AZƏRTAC). Taxıl istehsalçılarına, o cümlədən çəltikçiliklə məşğul olan fermerlərə hər hektara görə 80 manat subsidiyanın verilməsi bu sahəyə marağı artırmışdır. Tarixən taxılçılıq və pambıqçılıq rayonu kimi tanınan Yevlaxda fermerlər bu il 20 hektar sahədə çəltik əkib becərmişlər. Çəltik rayonun əsasən Xaldan kəndi ərazisində becərilmişdir.
Yevlax Şəhər İcra Hakimiyyətinin aqrar şöbəsindən bildirmişlər ki, rayonda çəltik yığımı başa çatmışdır. Sahələrdən 64 ton çəltik yığılmış, hər hektardan 31,8 sentner məhsul götürülmüşdür.
Bölmənin digər xəbərləri
