YUNANISTANIN OLİMPİADA ÜÇÜN PULU ÇATMADI
AZƏRTAC-ın xarici informasiya agentliklərindən aldığı xəbərə görə, Yunanıstan hökuməti avqustda keçiriləcək Olimpiya oyunlarına hazırlığı lazımınca maliyyələşdirməyə və Afinaya kifayət qədər xarici turist cəlb etməyə müvəffəq olmamışdır. Bunu Yunanıstan Olimpiya Komitəsinin başçısı xanım Fani Palli-Petraliya bildirmişdir.
O demişdir ki, ölkə rəhbərliyi Afinada “olimpiya ab-havası” yarada bilməmiş və bunun nəticəsində turistlərin xeyli hissəsi Türkiyəyə, digər qonşu ölkələrə getmişdir. Buna Yunanıstanda qiymətlərin bahalaşması da rəvac vermişdir.
Palli-Petraliya vurğulamışdır ki, oyunlara hazırlıq kampaniyasına hələ iki il əvvəl başlamaq lazım idi, amma bu edilməmişdir.
Bölmənin digər xəbərləri
