YÜNGÜL ATLETİKA ÜZRƏ ÖLKƏ ÇEMPİONATI KEÇİRİLMİŞDİR
AZƏRTAC xəbər verir ki, Respublika Olimpiya Manejində keçirilən yüngül atletika üzrə ölkə çempionatı başa çatmışdır. İki gün davam edən yarışlarda ölkəmizin müxtəlif bölgələrindən 200-ə yaxın idmançı gücünü sınamışdır.
Nəticələrə görə, şüvülla hündürlüyə tullanmada Ceyhun Hüseynov, 200 metr məsafəyə qaçışda Yana Qоlpakova və Vüqar Mehtiyev, 400 metr məsafəyə qaçışda Alfiya Nosova və İbrahim Əhmədov, 800 metr məsafəyə qaçışda Alfiya Xəlilova və Vüqar Ələsgərov, 1500 məsafəyə qaçışda Adil Əliyev, 3 min metr məsafəyə qaçışda Fikrət Qafarov, 60 metr məsafəyə sədləri dəf etməklə qaçışda Ruslan Əliyev və İrina Makarova, 3 təkanla uzunluğa tullanmada isə Samir Muradov və Leyla Paşayeva Azərbaycan çempionu olmuşlar.
Qaliblərə diplom və mükafatlar verilmişdir.
Bölmənin digər xəbərləri
