ZALQADA YAŞAYAN ERMƏNİLƏR RAYONUN İCRA BAŞÇISINI DÖYMÜŞLƏR
AZƏRTAC-ın müxbiri xəbər verir ki, Kvemo Kartli-Borçalı bölgəsinin prokuroru Mamuka Saavanın dediyinə görə, həmin ermənilərlə icra başçısı arasında narazılıq xeyli vaxtdır mövcuddur. Dəfələrlə toqquşma şəraiti yaranmış, lakin müyyən qüvvələrin işə qarışması ehtirasları yatırtmışdır. Yanvarın 15-də isə bunun qarşısını almaq mümkün olmamış və 100-dək adam icra başçısının kabinetinə girərək onu döymüşdür. Hadisə ilə bağlı cinayət işi qaldırılmış, istintaq gedir. Yaxın günlərdə hər şeyə aydınlıq gətiriləcəyi gözlənilir. Hüquq mühafizə orqanlarının əməkdaşları cinayət hadisəsi ilə bağlı hələlik heç bir şərh verməmişlər.
Bölmənin digər xəbərləri
