Zədə Mahir Emrelinin başqa kluba keçidinə mane olub
Bakı, 7 yanvar, AZƏRTAC
Azərbaycan millisinin futbolçusu Mahir Emreli qış transfer pəncərəsində Xorvatiyanın “Dinamo” (Zaqreb) klubunu tərk etməyəcək.
AZƏRTAC xarici KİV-lərə istinadən xəbər verir ki, 26 yaşlı hücumçunun zədələnməsi onun baş komandaya mümkün keçidinə mane olub.
Zədə səbəbindən ən azı altı həftə yaşıl meydanlardan kənarda qalacağı ehtimal edilən forvardın son durumuna MRT (Maqnit Rezonans Tomoqrafiyası) müayinəsindən sonra ayındıq gələcək.
Futbolçu Sloveniyanın “Roqaşka” komandasına qarşı keçirilmiş yoxlama görüşündə (1:0) sıradan çıxıb.
Qeyd edək ki, Mahir Emrelinin “Dinamo” ilə 2026-cı ilin yayınadək müqaviləsi var. Onunla Rusiya və Türkiyə klubları yaxından maraqlanırdı.
Bölmənin digər xəbərləri
