ZEYNƏB MƏMMƏDYAROVA RESPUBLİKA ÇEMPİONUDUR
AZƏRTAC xəbər verir ki, beynəlxalq qrossmeyster Zeynəb Məmmədyarova qadın şahmatçıların respublika birinciliyində çempion adını qazanmışdır.
Yanvarın 18-də keçirilən sonuncu turda Nərgiz Umudova ilə görüşünü heç-heçə başa çatdıran Z.Məmmədyarova 8 xal nəticə ilə ən yüksək mükafata layiq görülmüşdür.
Son turda Türkan Məmmədyarovanı məğlubiyyətə uğratmış Nərmin Kazımova 2-ci, Gülnar Məmmədova ilə görüşünü “sülh”lə bitirmiş Xəyalə İsgəndərova isə 3-cü yeri tutmuşdur.
Yarışda ilk üç yeri tutmuş şahmatçılar aprel-may aylarında Bolqarıstanın Plovdiv şəhərində keçiriləcək Avropa çempionatında iştirak etmək hüququ qazanmışlar.
Bölmənin digər xəbərləri
