“Zirə” – “Şamaxı” matçında qalib müəyyənləşməyib
Bakı, 3 mart, AZƏRTAC
“Zirə” - “Şamaxı” matçı ilə futbol üzrə Azərbaycan Premyer Liqasında XXV tura start verilib.
AZƏRTAC xəbər verir ki, Zirə İdman Kompleksinin stadionunda oynanılan qarşılaşma 2:2 hesabı ilə yekunlaşıb. Bakı təmsilçisinin heyətində Hamidu Keyta fərqlənsə də, Nihad Quliyev avtoqol müəllifi olub. “Şamaxı”nın qollarını Amil Yunanov və Kamran Quliyev vurublar.
“Zirə” klubu 36 xalla turnir cədvəlində dördüncü, “Şamaxı” isə 19 xalla səkkizinci pillədə qərarlaşıb.
Qeyd edək ki, turun “Səbail” - “Sumqayıt” və “Sabah” - “Kəpəz” oyunları martın 4-də, “Qəbələ” - “Qarabağ” və “Neftçi” - “Turan Tovuz” matçları isə ayın 5-də keçiriləcək.
Bölmənin digər xəbərləri
