AZƏRTAC xəbər verir ki, aprelin 11-də Gənclər və İdman Nazirliyinin təşkilatçılığı ilə Salyanda yeniyetmə futbolçuların zona birinciliyi start götürmüşdür. Bu qrupda Salyan, Neftçala, Biləsuvar, Saatlı, Xocavənd, Şuşa, Cəbrayıl, Sabirabad və Hacıqabul rayonlarının komandaları mübarizə aparacaqlar. Açılış mərasimində çıxış edən nazirliyin nümayəndəsi Nübar Xasıyeva və rayon İcra hakimiyyəti başçısının birinci müavini Etibar Hüseynov idmançıları təbrik etmiş, onlara uğurlar arzulamışlar. Birinci və ikinci yerləri tutan kollektivlər yarışların növbəti mərhələsinə vəsiqə qazanacaqlar.