Özbəkistan portalı Heydər Əliyev Mərkəzindəki klassik avtomobillər sərgisi ilə bağlı videoreportaj yayıb VİDEO
Daşkənd, 7 aprel, АZƏRTAC
Özbəkistanın Qalampir.uz portalı Heydər Əliyev Mərkəzində nümayiş etdirilən klassik avtomobillər sərgisi ilə bağlı videoreportaj yayıb.
AZƏRTAC xəbər verir ki, videoreportajda özbək tamaşaçılara sərgi haqqında ətraflı məlumat verilir. Bildirilir ki, sərgidə XIX-XX əsrlərdə Almaniya, Amerika Birləşmiş Ştatları, İtaliya, Fransa, Böyük Britaniya və digər ölkələrin istehsalı olan klassik avtomobillər nümayiş etdirilir.
Burada Mercedes Benz, BMW, Fiat, Wolksvagen, Rolls Royse, Чайка, Волга-газ 24 avtomobillərini görmək mümkündür. Sərgi 2015-ci ildə açılıb və burada 60-dan çox klassik avtomobil var.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
