Bakı, 29 may, Vüqar Qurbanoğlu, AZƏRTAC

Mən iki gündür ki, Bakıdayam. Burada hər şey xoşuma gəlir. Dəniz kənarında yerləşən Bakı xüsusi gözəlliyə sahibdir.

Bu fikirləri UEFA Avropa Liqasının final oyununu izləmək üçün Bakıya gələn rusiyalı futbol azarkeşi İlya Kozlov AZƏRTAC-a müsahibəsində deyib. Qeyd edib ki, o, "Arsenal" klubunun pərəstişkarıdır.

“İnsanlar Azərbaycan paytaxtında rahat, təhlükəsiz şəraitdə gəzir və istirahət edirlər. Biz azarkeş festivalını izləmək üçün Bakı bulvarına gəlmişik. Çox gözəl təşkil olunub", - deyə İ.Kozlov bildirib.