13 azərbaycanlı mütəxəssis UEFA-nın Nyondakı təcrübə mübadiləsi proqramında iştirak edir
Bakı, 15 sentyabr, AZƏRTAC
Azərbaycanlı məşqçi və təlimçilərdən ibarət heyət İsveçrənin Nyon şəhərində səfərdədirlər.
Təcrübəli mütəxəssis Arif Əsədovun AZƏRTAC-a verdiyi məlumata görə, sentyabrın 14-dən 16-dək keçiriləcək tədbir UEFA-nın Nyon şəhərindəki qərargahında təşkil olunub.
Səfər çərçivəsində Pro lisenziyasına yiyələnən məşqçilər və təlimçilər UEFA-nın təcrübə mübadiləsi proqramında iştirak edirlər. Tədbirdə Azərbaycanla yanaşı daha 5 ölkənin – Almaniya, İrlandiya, Şimali İrlandiya və Kiprin nümayəndə heyətləri yer alıblar.
Tədbirdə ölkəmizi 13 mütəxəssis - Arif Əsədov, Aslan Kərimov, Osman Rəhimov, Rəşad Abdullayev, Elnur Çodarov, Çudomir Petrov Çokarov, Aleksandr Qross, Zamir Həsənov, Vaqif Cavadov, Rüstəm Məmmədov, Aqil Nəbiyev, Fərid Namazov və Elman Sultanov təmsil edir.
Bölmənin digər xəbərləri
