Konqoda Ebola virusuna yoluxanların sayı 7200-ü ötüb
Bakı, 15 sentyabr, AZƏRTAC
Konqo Demokratik Respublikasında Ebola virusuna 7258 təsdiqlənmiş yoluxma halı qeydə alınıb. Epidemiyanın ümumi azalma tendensiyasına baxmayaraq, bəzi əyalətlərdə yoluxma halları artmaqda davam edir.
AZƏRTAC Sinxua informasiya agentliyinə istinadla xəbər verir ki, indiyədək 3510 nəfər xəstəlikdən ölüb, 1726 nəfər sağalıb. Hazırda 905 xəstə xəstəxanada müalicə olunur. Ölüm nisbəti 48,4 faizdir.
Qeyd edilib ki, epidemiya ölkənin yeddi əyalətində 62 sağlamlıq zonasını əhatə edib. Xüsusilə Şimali Kivu, İturi və Haut-Uele əyalətlərində yoluxma davam edir.
Milli Səhiyyə İnstitutu epidemiyanın ümumi dinamikasının aşağıya doğru olduğunu, lakin azalma prosesinin əyalətlər üzrə qeyri-bərabər getdiyini bildirib.
Xatırladaq ki, may ayında başlayan hazırkı epidemiya KDR tarixində ən böyük və ölümcül Ebola epidemiyası hesab olunur.
Bölmənin digər xəbərləri
