Ukraynada yaşayan soydaşımız afrikalı müğənni ilə “Sarı gəlin” mahnısını duet oxuyub VİDEO

11.09.2020 [15:11]
Çap et
A⁺ A^-

Kiyev, 11 sentyabr, AZƏRTAC

Ukraynada yaşayan azərbaycanlı müğənni Vaqif Nağıyev nigeriyalı Anyanya Udongvo ilə Azərbaycanın milli musiqi incisi sayılan “Sarı gəlin” mahnısını duet oxuyub.

AZƏRTAC xəbər verir ki, ortaq duetin təşəbbüskarı afrikalı müğənni olub. Mahnı seçimini isə V.Nağıyev edib. Məqsəd “Sarı gəlin” xalq mahnısını dünya xalqlarına Azərbaycan musiqisi kimi təbliğ etməkdir. Ukrayna xalqına Azərbaycan musiqi mədəniyyətinin gözəlliyini və zənginliyini göstərmək vəzifəsi qoymuşdular.

Mahnının videoklipində isə rəqqasə Oksana Rəsulovanın kompozisiyası da yer alıb.

Emil Hüseynli

AZƏRTAC-ın xüsusi müxbiri

Kiyev