20 Yanvar şəhidlərinin xatirəsi İtaliyanın digər şəhərlərində də anılıb

21.01.2020 [17:19]
Çap et
A⁺ A^-

Milan, 21 yanvar, AZƏRTAC

Qanlı Yanvar faciəsinin otuzuncu ildönümü İtaliyanın digər şəhərlərində də müxtəlif tədbirlərlə yad olunub. Növbəti tədbirlər Roma, Milan və Siena şəhərlərində təşkil edilib.

AZƏRTAC xəbər verir ki, Azərbaycan-İtaliya Gənclər Assosiasiyasının (AIGA) və İtaliyada təhsil alan azərbaycanlı tələbələrin təşkilatçılığı ilə bu şəhərlərdə 20 Yanvar şəhidlərinin əziz xatirəsi anılıb. Azərbaycanlı gənclər mərkəzi meydanlarda bir araya gələrək broşür, fotoşəkillərdən ibarət məlumatlar paylayaraq qanlı terrorla bağlı təbliğat və məlumatlandırma kampaniyası keçirib, habelə şamlarla “20 Gennaio #30”, “30” yazılı kompozisiyaları hazırlayıblar.

Yerli əhali aksiyalara böyük maraq göstərib.

Aygün Əliyeva

AZƏRTAC-ın xüsusi müxbiri

Milan