Builki Bakı marafonu fərqli marşrutda təşkil ediləcək VİDEO
Bakı, 4 may, AZƏRTAC
Heydər Əliyev Fondunun təşəbbüsü ilə mayın 15-də “Bakı marafonu-2022” keçiriləcək.
AZƏRTAC xəbər verir ki, “Küləyə qalib gəl” şüarı altında beşinci dəfə keçiriləcək Bakı marafonu bu il fərqli marşrutda təşkil ediləcək. Yarışın start nöqtəsi ilə yanaşı, finişi də Dövlət Bayrağı Meydanında olacaq və 21 kilometrlik məsafəni əhatə edəcək.
Yarışda iştirak üçün martın 25-də başlayan qeydiyyat prosesi mayın 10-dək davam edəcək. On səkkiz yaşdan yuxarı şəxslər bu müddətdə Bakı şəhərinin ticarət mərkəzlərindəki (“28 Mall”, “Gənclik Mall”, “Dəniz Mall”) qeydiyyat məntəqələrinə və ya “Bakı Marafonu-2022”nin saytına - www.marathon.az müraciət edə bilərlər.
Bölmənin digər xəbərləri
