Deputat Yuliya Qrişina: Müharibə dönəmində də azərbaycanlıların Ukraynaya aktiv dəstəyini görürük
Kiyev, 5 oktyabr, AZƏRTAC
Müharibə dönəmində Azərbaycan dövləti Ukraynaya humanitar yardımlarını davam etdirir. Bu, bir daha onu göstərir ki, Azərbaycan Ukraynanın ərazi bütövlüyü və suverenliyinə hörmətlə yanaşır.
Bu fikri AZƏRTAC-a məxsusi müsahibəsində Ukrayna Ali Radasının deputatı, hakim “Xalqın xidmətçisi” fraksiyasının üzvü Yuliya Qrişina söyləyib.
“Müharibənin ilk günlərindən Azərbaycan dövlətinin, burada yaşayan azərbaycanlıların, diaspor fəallarının aktiv dəstəyini görürük. Buna görə Azərbaycan xalqına təşəkkürümü bildirirəm”, - deyə deputat əlavə edib.
Yuliya Qrişina, həmçinin SOCAR-ın Ukraynadakı nümayəndəliyinin fəaliyyətini də təqdirəlayiq qiymətləndirib.
“SOCAR Energy Ukraine” müharibə başlayandan bəri Ukraynada təcili tibbi yardım, Fövqəladə Hallar Dövlət Xidmətinin avtomobillərini pulsuz yanacaqla təmin edir. Bu, müharibə dönəmində olduqca qiymətli addımdır”, - deyə Yuliya Qrişina vurğulayıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
