Baş prokuror: Binəqədi rayonunda baş verən yanğınla bağlı bir neçə versiya var VİDEO
Bakı, 20 yanvar, AZƏRTAC
Binəqədi rayonunda sexdə baş verən yanğın nəticəsində 9 nəfər həyatını itirib, yaralananlar var. Onların müalicəsi istiqamətində intensiv işlər həyata keçirilir.
AZƏRTAC xəbər verir ki, bu sözləri Baş prokuror Kamran Əliyev jurnalistlərə açıqlamasında söyləyib.
Baş prokuror bildirib ki, partlayışla bağlı bütün ekspertizalar təyin edilib: “Partlayışın başvermə səbəbi ilə bağlı bir neçə versiya var, hadisə araşdırılır. Nəticələr müəyyən olunduqdan sonra təqsirli şəxslərin məsuliyyətə cəlb edilməsi təmin ediləcək”.
Bölmənin digər xəbərləri
