“Happy Gəncə” videosu hazırlanmışdır VİDEO
Bakı, 12 iyul (AZƏRTAC). “Pharrell Williams”ın eyni adlı klipi əsasında ayrı-ayrı ölkələrdə, şəhərlərdə “Happy” klipi çəkilməkdə davam edir.
Yeni Azərbaycan Partiyası Gəncə şəhər təşkilatından AZƏRTAC-a bildirmişlər ki, bu dəfə isə “Happy Gəncə” videosu hazırlanmışdır.
Klipdə şəhərin tanınmış simaları və Gəncənin fəal gəncləri iştirak etmişlər. “Happy Gəncə” videosu şəhərin müxtəlif yerlərində - Qala qapıları - “Arxeologiya və Etnoqrafiya Muzeyi” Abidə Kompleksi, Heydər Əliyev Mərkəzi və Park Kompleksi, “Xan Bağı”, Cavad Xan küçəsi, Hacıkənd qəsəbəsində çəkilmişdir.
Klip “Youtube” sosial şəbəkəsində “We Are Happy From Ganja” başlığı ilə yerləşdirilmişdir.
Klipin çəkilməsinin əsas məqsədi gəncəlilərin xoşbəxtliyini təsvir etməkdir.
Bölmənin digər xəbərləri
