ANNA POLİTKOVSKAYA ÖLÜMÜNDƏN SONRA TİSİANO TERSİANO MÜKAFATINA LAYİQ GÖRÜLMÜŞDÜR
AZƏRTAC “Azadlıq Radiosu”na istinadla xəbər verir ki, tanınmış Rusiya jurnalisti Anna Politkovskaya ölümündən sonra 2007-ci il üçün Tisiano Tersiano adına beynəlxalq ədəbiyyat mükafatına layiq görülmüşdür. Münsiflər heyətinin sədri Ancela Tersiano demişdir ki, bu qərar mövcud hakimiyyəti tənqid etdiyinə görə həyatını qurban vermiş A.Politkovskayanın nadir mənəvi qüdrət sahibi olduğunu vurğulamaq üçün yekdilliklə qəbul edilmişdir.
Təntənəli təqdimetmə mərasimi mayın 12-də İtaliyanın Undina şəhərində keçiriləcəkdir. Mükafat “Novaya qazeta”nın baş redaktoru Dmitri Muratova veriləcəkdir.
Tanınmış İtaliya jurnalisti Tisiano Tersianonun beynəlxalq ədəbiyyat mükafatı 2004-cü ildə təsis edilmiş və Şərqlə Qərb münasibətlərinin kəskin problemlərini qaldıran əsərlərə görə verilir.
Bölmənin digər xəbərləri
