DÜNYA


İranın Bəsrədəki Baş konsulluğuna basqın olub

Tehran, 7 sentyabr, AZƏRTAC

İraqda davam edən kütləvi aksiya iştirakçıları gözlənilmədən İranın Bəsrə şəhərində yerləşən Baş konsulluğuna hücum ediblər.

Yerli saytların yaydığı məlumatlara görə, aksiya iştirakçıları konsulluğun binasını dağıdaraq yandırıblar. Diplomatik nümayəndəlikdə çalışanların taleyi haqqında məlumat hələlik yoxdur.

Qeyd edək ki, bir neçə gündür İraqın paytaxtı Bağdad da daxil olmaqla, böyük şəhərlərdə sosial problemlərin aradan qaldırılması tələbi ilə kütləvi aksiyalar keçirilirdi.

Bəsrə əhalisi də küçələrə çıxaraq hökumətdən şəhərin təmiz su ilə təmin olunmasını tələb edirdilər. Nümayişlərin dağıdılmasına polis və hərbçilər cəlb olunsa da, onlar əhaliyə qarşı güc tətbiq etməyiblər.

İranın Baş konsulluğuna hücumun təxribat olması haqqında Xarici İşlər Nazirliyindən məlumat almaq istədik. Lakin cümə günü İranda istirahət günü olduğundan telefon zənglərimizə cavab verən olmadı.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.