Gilbert Masengeli: İtkin düşmüş şəxslərin axtarışı sahəsində təcrübə mübadiləsi, qarşılıqlı dəstək çox vacibdir
Şuşa, 9 oktyabr, AZƏRTAC
İtkin düşmüş şəxslərin axtarışı sahəsində təcrübə mübadiləsi aparmaq, qarşılıqlı dəstək göstərmək və səyləri birləşdirmək çox vacibdir.
AZƏRTAC-ın bölgə müxbiri xəbər verir ki, bunu Şuşada jurnalistlərə açıqlamasında “İtkin düşmüş şəxslər probleminin həllində etimadın gücləndirilməsi və effektiv mexanizmlərin inkişaf etdirilməsi" mövzusunda Bakı Dialoqu formatında IV beynəlxalq konfransın iştirakçısı, Keniyanın Milli Polis Xidmətinin İnzibati Polis Xidməti üzrə Baş müfəttişinin müavini Gilbert Masengeli deyib.
"Biz Qarabağa səfər etdik və bu ərazilərin ermənilər tərəfindən işğala məruz qalması, çoxsaylı insanların həlak olması bizi çox məyus etdi. Ancaq sevindirici haldır ki, Azərbaycan hökuməti hazırda bu ərazilərdə genişmiqyaslı bərpa və yenidənqurma işləri aparmaqla yanaşı, məcburi köçkün düşmüş ailələrə dəstək göstərir. Bunu da, həmçinin yüksək qiymətləndiririk", - deyə o bildirib.
Müxbir - Tahir Ağaməmmədov
Bölmənin digər xəbərləri
