Masallıda “Breyn rinq” intellektual bilik yarışı üzrə rayon birinciliyinin qalibləri mükafatlandırılıb
Masallı, 21 dekabr, Bağır Əliyev, AZƏRTAC
Dekabrın 21-də Masallıdakı “ASAN” İntellektual İnkişaf Mərkəzində Rayon Gənclər və İdman İdarəsinin, Təhsil Şöbəsinin və “Masallı gənclər evi” sosial xidmət müəssisəsinin birgə təşkilatçılığı ilə 31 Dekabr - Dünya Azərbaycanlılarının Həmrəyliyi Gününə həsr olunmuş gənclər arasında “Breyn rinq” intellektual bilik yarışı üzrə rayon birinciliyi keçirilib.
AZƏRTAC-ın bölgə müxbiri xəbər verir ki, 15 komandanın iştirakı ilə keçirilən rayon birinciliyinin yekun nəticələrinə əsasən, Gəyəçöl kənd tam orta məktəbin komandası birinci, şəhər 5 nömrəli tam orta məktəbin komandası ikinci, Şərəfə kənd tam orta məktəbin komandası üçüncü yerə layiq görülüblər.
Rayon birinciliyinin qalibləri Masallı Rayon Gənclər və İdman İdarəsi tərəfindən diplomlarla mükafatlandırılıb.
Bölmənin digər xəbərləri
