İQTİSADİYYAT


“OPEC+” ölkələrinin nazirlərinin videokonfransı başlayıb

Bakı, 9 aprel, AZƏRTAC

OPEC və qeyri-OPEC ölkələrinin nazirlərinin videokonfrans formatında görüşü başlayıb.

AZƏRTAC xəbər verir ki, görüşün müzakirə mövzusu neft bazarının sabitləşdirilməsi və qiymətdəki ucuzlaşmanın qarşısının alınması üçün mövcud tədarük həcminin azaldılmasıdır. İclasda qeyri-OPEC ölkələrinin nazirləri iştirak edir və yeni “Əməkdaşlıq Bəyannaməsi” müzakirə olunur.

Videokonfrans ərəfəsində dünya bazarında neftin qiyməti bahalaşıb. Belə ki, hazırda “Brent”in bir barreli Londonun ICE birjasında 35,22 dollara alıcı axtarır. “Light” markalı neftin bir barreli isə Nyu-Yorkun NYMEX birjasında 27,05 dollara satılır.

KİV-lərə görə, Səudiyyə Ərəbistanı gündəlik neft hasilatını 4 milyon barrel azaltmağa hazırdır.

Qeyd edək ki, görüş ABŞ Prezidenti Donald Trampın vasitəçiliyi ilə aparılan danışıqlardan sonra Səudiyyə Ərəbistanı Krallığının çağırışı ilə keçirilir.

Xatırladaq ki, “Əməkdaşlıq Bəyannaməsi”nin icrası bu il martın 31-də başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.