"Barselona"nın "Kamp Nou"ya dönüşü yenidən gecikib
Bakı, 22 iyul, AZƏRTAC
İspaniyanın “Barselona” klubunun doğma stadionu "Kamp Nou"ya qayıtması yenidən təxirə salınıb.
AZƏRTAC xəbər verir ki, bu barədə AS nəşri məlumat yayıb.
Stadionda yenidənqurma işlərinə 2022-ci ilin iyununda başlanılıb. İdman qurğusunun ilk olaraq 2024-cü ilin payızında istifadəyə verilməsi planlaşdırılırdı, lakin sonradan 2025-ci ilin aprelinə, daha sonra isə avqusta təxirə salınıb.
Qeyd olunub ki, “Barselona” 2026-cı ilə qədər “Kamp Nou”da oynamayacaq. Şəhər Şurası çoxsaylı çatışmazlıqlara görə hələ də arenaya lisenziya verməkdən imtina edir.
Bu müddət ərzində kataloniyalılar ev matçlarını Lui Kompanis adına Olimpiya stadionunda keçirirlər.
Bölmənin digər xəbərləri
