ABŞ AZƏRBAYCANLILARI ERMƏNİSTANIN VAŞİNQTONDAKI SƏFİRLİYİ QARŞISINDA ETİRAZ AKSİYASI KEÇİRMİŞLƏR

25.02.2006 [11:43]
Çap et
A⁺ A^-

AZƏRTAC-ın xüsusi müxbiri xəbər verir ki, Amerikada yaşayan soydaşlarımız fevralın 24-də Vaşinqtonun mərkəzi küçələrindən keçərək Ermənistan səfirliyinə etdikləri yürüşlə Azərbaycan xalqının faciəli gününü anmışlar. Amerika azərbaycanlıları və onlara qoşulan türklər, tatarlar və ABŞ-ın digər etnik icmalarının nümayəndələri əllərində Xocalı qurbanlarının fotoşəkilləri və Ermənistanın etnik təmizləmə siyasətini pisləyən şüarlarla bütün dünyanı 14 il əvvəl Qarabağda törədilmiş vəhşiliyi unutmamağa çağırdılar.

Həmvətənlərimiz yoldan keçən Vaşinqton sakinlərinə Azərbaycan xalqına qarşı həyata keçirilən soyqırım haqqında məlumat vərəqələri paylayırdılar. Artıq ikinci ildir ki, ABŞ-ın şərq sahilində yaşayan azərbaycanlı icması Xocalı qırğınını etiraz aksiyası ilə anır.

Amerikanın Azərbaycan İcmasının prezidenti Tomris Azəri aksiya iştirakçıları adından qətnamə oxudu. O bidirdi ki, Xocalının adı bəşəriyyətə qarşı cinayətin sinoniminə çevrilib, bu faciə haqqında həqiqət dünyaya çatıdırılmalı, qatillər məsuliyyətə cəlb olunmalıdır.

Aksiya iştirakçıları Xocalı qurbanlarının xatirəsini bir dəqiqəlik sükutla yad etdilər. Ermənistan səfirliyinin nümayəndələri isə pəncərə və qapıları möhkəm bağlayıb gözə görünmədilər.

ABŞ AZƏRBAYCANLILARI ERMƏNİSTANIN VAŞİNQTONDAKI SƏFİRLİYİ QARŞISINDA ETİRAZ AKSİYASI KEÇİRMİŞLƏR

MÜƏLLİFLƏ ƏLAQƏ

Bölmənin digər xəbərləri