ABŞ-DA “XOCALI-MƏHV OLMUŞ ŞƏHƏR” DEVİZİ ALTINDA AKSİYA KEÇİRİLƏCƏKDİR
AZƏRTAC xəbər verir ki, fevralın 23-də ABŞ-ın Nyu-York şəhərində Amerika-Azərbaycan Cəmiyyəti, Amerika Azərbaycanlıları Şurası, Türk Amerika Dərnəkləri Federasiyası və Türk Tələbələri Cəmiyyəti Xocalı faciəsinin 16-cı ildönümü ilə əlaqədar anım mərasimləri keçirəcəklər. İlk tədbir “Xocalı-məhv olmuş şəhər” devizi altında təşkil olunacaqdır. İngilis dilində keçiriləcək tədbirdən məqsəd Amerikadakı azərbaycanlı və türk gənclərə Ermənistanın Azərbaycana qarşı yürütdüyü işğalçılıq siyasəti, erməni təcavüzü nəticəsində soydaşlarımızın evsiz-eşiksiz qalması, insanlıga sığmayan Xocalı sorqırımı barədə məlumat verməkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, fevralın 26-da isə Xocalı soyqırımı ilə bağlı Nyu-Yorkda Ermənistanın Birləşmiş Millətlər Təşkilatındakı nümayəndəliyinin binası qarşısında iki saatlıq etiraz aksiyası keçiriləcəkdir. Aksiyada ABŞ-dakı Azərbaycan diaspor təşkilatları qatılacaqlar.
Bölmənin digər xəbərləri
