ABŞ-də “Qızıl Günbəz” raketdən müdafiə sisteminin dəyəri 1,2 trilyon dollar qiymətləndirilir
Bakı, 13 may, AZƏRTAC
ABŞ-nin “Qızıl Günbəz” adlı yeni raketdən müdafiə sisteminin hazırlanması, yerləşdirilməsi və 20 il ərzində istismarı təxminən 1,2 trilyon dollara başa gələ bilər.
AZƏRTAC xəbər verir ki, bu barədə Konqresin Büdcə İdarəsinin tərəfindən yayımlanan hesabatda bildirilir.
Sənədə əsasən, layihənin ən böyük xərc hissəsi silah və texniki vasitələrin alınması ilə bağlı olacaq. Bu istiqamətdə xərclərin təxminən 1,03 trilyon dollar təşkil edəcəyi gözlənilir.
Hesabatda qeyd olunur ki, ən bahalı komponent kosmik tutucu sistemlər olacaq. Onlar ümumi silahlanma xərclərinin təxminən 70 faizini, layihənin ümumi dəyərinin isə 60 faizini təşkil edəcək.
Bundan əlavə, “Qızıl Günbəz” sisteminin ABŞ-ın kontinental hissəsində yerləşdiriləcək dörd yerüstü “Aegis Ashore” raketdən müdafiə kompleksini də əhatə etməsi planlaşdırılır. Hər kompleksin 48 ədəd SM-3 Block IIA zenit-raket sistemi ilə təchiz olunacağı bildirilir.
Bölmənin digər xəbərləri
