ABŞ-LA ÖZBƏKİSTAN ARASINDA ƏMTƏƏ DÖVRİYYƏSİ ARTIR
ABŞ-la ticarət əlaqələri Özbəkistanın həyatında əhəmiyyətli rol oynayır. AZƏRTAC-ın müxbiri Daşkənddən xəbər verir ki, bunu Özbəkistan paytaxtında ABŞ Konqresinin nümayəndə heyətinin başçısı, Demokratlar Partiyasının Nümayəndələr Palatasındakı fraksiyasının lideri xanım Nensi Pelosi bildirmişdir. O demişdir ki, 2003-cü ilin on ayının yekunlarına görə, iki ölkə arasında əmtəə dövriyyəsi 312,5 milyon dollara çatmışdır. Bunun 244 milyon dolları Özbəkistanın idxalının payına düşür.
ABŞ konqresmenlərinin nümayəndə heyəti Daşkənddə Özbəkistan-Amerika münasibətlərinin indiki vəziyyətini, parlamentlərarası əlaqələrin inkişafı və möhkəmləndirilməsi məsələlərini müzakirə etmişdir.
Bölmənin digər xəbərləri
