ABŞ mətbuatında AZƏRTAC-ın “Azərbaycanı Zəfərdən–Zəfərə aparan yollar” sərlövhəli məqaləsi yayımlanıb
Vaşinqton, 9 noyabr, AZƏRTAC
Amerika Birləşmiş Ştatlarının “Foreign Policy News” nəşrində 44 günlük Qarabağ müharibəsinin sonu və Azərbaycanın Qələbəsinin ikinci ildönümü ilə bağlı AZƏRTAC-ın İdarə Heyətinin sədri, OANA-nın vitse-prezidenti Aslan Aslanovun “Azərbaycanı Zəfərdən-Zəfərə aparan yollar” sərlövhəli məqaləsi dərc olunub.
AZƏRTAC xəbər verir ki, məqalədə Ermənistanın 30 il ərzində Azərbaycan torpaqlarını işğal altında saxlaması, BMT Təhlükəsizlik Şurasının dörd qətnaməsinin mövcud olduğuna baxmayaraq, dünya ictimaiyyətinin və ATƏT-in Minsk qrupunun iradəsizliyi göstərilib. Yazıda, həmçinin Azərbaycan Prezidenti, Müzəffər Ali Baş Komandan İlham Əliyevin müdrik siyasəti, liderliyi və qətiyyətli addımları nəticəsində Qarabağın azad olunması haqqında bəhs olunub.
AZƏRTAC-ın Vaşinqton bürosu
Bölmənin digər xəbərləri
