ABŞ-nin sutkalıq neft hasilatı 13,7 milyon barelə geriləyib
Bakı, 4 iyun, AZƏRTAC
ABŞ-nin gündəlik xam neft istehsalı azalıb.
AZƏRTAC ABŞ-nin Enerji İnformasiya Administrasiyasının (EIA) məlumatına istinadla xəbər verir ki, ötən hesabat həftəsində Amerika Birləşmiş Ştatların neft hasilatı 8 min barel azalaraq sutkada orta hesabla 13 milyon 707 min barel olub.
Ötən həftə ABŞ-nin neft idxalı əvvəlki həftəyə görə 1 milyon 186 min barel artaraq sutkalıq 6 milyon 397 min barel, neft ixracı da əvvəlki həftə ilə müqayisədə 1 milyon 434 min barel çoxalaraq gündəlik 5 milyon 874 min barel təşkil edib.
EIA-nın proqnozuna görə, cari ildə Birləşmiş Ştatların neft hasilatının gündəlik orta hesabla 13 milyon 650 min barel olacağı gözlənilir.
Bölmənin digər xəbərləri
