ABŞ PREZİDENTLƏRİNİN ƏN CİDDİ SİYASİ SƏHVLƏRİNİN SİYAHISI TUTULMUŞDUR
Qərarları ölkə üçün daha mənfi nəticələrə gətirib çıxaran prezidentləri müəyyənləşdirmək məqsədi ilə Luisvill Universiteti nüfuzlu tarixçilər arasında sorğu keçirmişdir. “Liderlik” Ceyms Byukenə verilmişdir: 15-ci prezident ABŞ-da Vətəndaş müharibəsi başlanmasının qarşısını almağa müvəffəq olmamışdır. “Qara siyahı”ya Tomas Cefferson da düşmüşdür. Napoleonun apardığı müharibələr dövründə 1807-ci ildə onun təşəbbüsünə əsasən Avropa ilə ticarətə qadağa qoyulmuşdu.
Siyahıda Con Kennedinin (Kubaya qarşı raket böhranı), Riçard Niksonun (Uotergeyt qalmaqalı), Lindon Consonun (Vyetnamda müharibənin gücləndirilməsi) və Ronald Reyqanın (“İran-kontras” işi) da adları çəkilir. Onluqda axırıncı yer Ağ evdə staj keçən Monika Levinski ilə əlaqələrə görə Bill Klintona verilmişdir.
Bölmənin digər xəbərləri
