ACARISTAN MÜNAQİŞƏSİ AVROPA BİRLİYİNİN İRİ NEFT LAYİHƏSİNİ POZA BİLƏR

18.03.2004 [16:26]
Çap et
A⁺ A^-

AZƏRTAC-ın Tbilisidən aldığı xəbərə görə, bunu “Gürcüstan dəmir yolu” şirkəti Müşahidə Şurasının üzvü Georgi Xuxaşvili bildirmişdir. O demişdir ki, Acarıstanda münaqişə uzun sürsə, bu, Avropa Birliyinin TRASEKA - Avropa-Qafqaz-Asiya nəqliyyat dəhlizi layihəsinin həyata keçirilməsinin pozulması ilə nəticələnə bilər. Çünki Xəzər neftinin Gürcüstan ərazisi ilə nəqli bu layihənin əsas tərkib hissələrindən biridir.

G.Xuxaşvili xatırlatmışdır ki, son illər Qazaxıstan və Türkmənistandan Batumi dəniz limanına hər ay 700-800 min ton neft və neft məhsulları gətirilir və buradan dünya bazarlarına yola salınır. İstisna deyil ki, Acarıstanda vəziyyətin gərginləşməsi ilə əlaqədar neftin Batumi vasitəsilə nəqlinin ləngidilməsi operator şirkətlərin Gürcüstan marşrutundan imtina etməsinə gətirib çıxara bilər.

Məlum olduğu kimi, martın 14-dən Acarıstanla dəmir yol əlaqəsi tamamilə kəsilmişdir, çünki Muxtar Respublika iqtidarının göstərişi ilə magistralda relslər çıxarılmışdır.

ACARISTAN MÜNAQİŞƏSİ AVROPA BİRLİYİNİN İRİ NEFT LAYİHƏSİNİ POZA BİLƏR

MÜƏLLİFLƏ ƏLAQƏ

Bölmənin digər xəbərləri