ADSEA: Bəzi hallarda vətəndaşlar su şəbəkəsi olmayan ərazilərdə ev tikir
Bakı, 30 sentyabr, AZƏRTAC
Cari ilin əvvəlindən Azərbaycan Dövlət Su Ehtiyatları Agentliyinə (ADSEA) su sistemlərinə qoşulmaqla əlaqədar 8245 müraciət daxil olub. Araşdırmalardan sonra daxil olan müraciətlərin 38 faizi ləğv edilib.
AZƏRTAC xəbər verir ki, bu sözləri ADSEA-nın Texniki şərtlərin hazırlanması və abonentlərlə işin təşkili şöbəsinin müdiri Yusif Əhədi deyib.
O bildirib ki, müraciətlərin ləğv olunmasının əsas səbəbi sənədlərin düzgün təqdim olunmaması və qanunsuz tikililərdir.
“Su sistemlərinə qoşulmaq üçün müraciətlərin 62 faizi isə icra olunması üçün qeydə alınıb və icraya yönəldilib. Qəbul olunan texniki şərtlərə əsasən, qoşulma nöqtəsi su sistemi şəbəkəsindən 30 metrdən uzaqda olmamalıdır. Lakin bəzi hallarda vətəndaşlar su şəbəkəsi olmayan ərazilərdə ev tikir ki, bu da su çəkilməsi üçün çətinliklər yaradır”, - deyə Y.Əhədi qeyd edib.
Bölmənin digər xəbərləri
