AFFA-DA PÜŞKATMA MƏRASİMİ OLMUŞDUR
Bakı, 3 avqust (AZƏRTAC). AFFA-nın iqamətgahında 2009/2010-cu il mövsümü Azərbaycan çempionatının püşkatma mərasimi olmuşdur. Dörd dövrədən ibarət çempionatda 12 klub iştirak edəcəkdir. Reqlamentə əsasən, mövsüm hazırkı çempion “Bakı” və “Xəzər-Lənkəraran” komandalarının görüşü ilə açılacaqdır.
Birinci turda habelə “İnter” - “Karvan”, “Olimpik - Şüvəlan” - “Neftci”, “Turan” -“Qarabağ”, “Qəbələ - Simurq”, “Muğan”-“Standard” komandaları qarşılaşacaqlar.
Avqustun 14-də start götürəcək Premyer-liqanın reqlamentinə görə, cümə günləri 1, şənbə günləri 2, bazar günləri isə 3 matç keçiriləcəkdir. 2009/2010-cu il mövsümünün təqvimi yaxın günlərdə açıqlanacaqdır.
Bölmənin digər xəbərləri
