AFFA Region Liqasında çıxış edən 2 klubun rəsmilərini futboldan kənarlaşdırıb
Bakı, 26 dekabr, AZƏRTAC
Region Liqasında çıxış 2 klubun ümumilikdə 3 rəsmisi futboldan kənarlaşdırılıb.
AZƏRTAC xəbər verir ki, bu barədə qərar AFFA İntizam Komitəsinin iclasında qəbul olunub.
"Baku" komandasının rəsmisi İsmayıl Hüseynzadə və “Çinar-Zəngilan”ın idman direktoru Anar Dünyamalıyev lisenziyaların alınması üçün təqdim olunmuş sənədləri saxtalaşdırdıqları üçün 3 il müddətinə diskvalifikasiya ediliblər.
“Baku” klubunun icraçı direktoru Rövşən Mustafayev isə lisenziyaların alınması üçün təqdim edilmiş sənədlərin saxtalaşdırılmasından məlumatlı olduğu üçün cəzalandırılıb. Onun 1,5 il müddətində futbola aid olan istənilən fəaliyyətdə iştirak etməyinə qadağa qoyulub.
Bölmənin digər xəbərləri
