AFRİKALI QOCA 100 METR MƏSAFƏNİ 30 SANİYƏYƏ QƏT ETMİŞDİR

12.07.2004 [14:02]
Çap et
A⁺ A^-

AZƏRTAC-ın xüsusi müxbiri xəbər verir ki, ömrünün yüzüncü baharını arxada qoymuş cənubi afrikalı Filip Rabinouitz qaçmaq üzrə öz yaşıdları arasında planetimizin birincisi hesab olunmuşdur.

Ölkənin paytaxtında yüzdən artıq yaşı olan idmançılar arasında 100 metrlik məsafəni 30 saniyəyə qət edərək F.Rabinouitz dünya rekordunu təzələmişdir. Beləliklə o, 2002-ci ildə keçirilmiş yarışlarda avstriyalı Ervin Yaskulskinin göstərdiyi nəticəni 7,3 saniyə yaxşılaşdırmışdır.

“Bu fantastika idi. Mən demək olar ki, yorğunluq hiss etmədim” deyən afrikalı qoca əldə etdiyi nəticəni sentyabr ayında daha da yaxşılaşdırmağı qərara almışdır.

Ölkə müəssisələrinin birində mühasib işləyən F.Rabinouitz öz sağlamlığının qeydinə qalaraq hər gün 6 kilometr məsafəni piyada gəzir.