Ağdərə sakini: Bu gün həm sevincli, həm də qürurluyam
Tərtər, 12 dekabr, Tahir Ağaməmmədov, AZƏRTAC
Bu gün həm sevincli, həm də qürurluyam. Çünki şanlı Ordumuzun qəhrəmanlıqla azad etdiyi torpaqlara qayıdırıq. Şəhid qanı tökülən bu torpaqlar indi bizim üçün daha əziz, daha müqəddəsdir.
Bunu AZƏRTAC-ın bölgə müxbirinə açıqlamasında Ağdərənin Həsənriz kəndinə köç edən keçmiş məcburi köçkün Təhminə İsayeva deyib.
“Doğma yurda qayıtmaq sevincini bizə yaşatdığına görə Ali Baş Komandana, Ordumuza minnətdaram”, - deyə o bildirib.
Qeyd edək ki, Prezident İlham Əliyevin tapşırığına uyğun olaraq, işğaldan azad edilmiş ərazilərə “Böyük Qayıdışa dair I Dövlət Proqramın”a əsasən bu gün Ağdərənin Həsənriz və Vəngli kəndlərinə növbəti köç karvanı yola salınıb.
Bölmənin digər xəbərləri
