Ağstafa rayonunda hədə-qorxu ilə pul tələb edən şəxslər məsuliyyətə cəlb olunublar
Bakı, 12 mart, AZƏRTAC
Ağstafa Rayon Polis Şöbəsinə fevralın 14-də və 15-də internet xəbər saytlarından birində bölgə müxbiri işləyən, əvvəllər məhkum olunmuş F.Quliyevin və Ağstafa şəhər sakini V.Zeynalovun rayon sakinləri Z.Qasımov və Z.Mustafayev barəsində sosial şəbəkədə rüsvayedici məlumatlar yayacağı ilə hədələyərək onlardan 500 manat məbləğində pul tələb etmələri barədə müraciət daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, faktla bağlı Ağstafa Rayon Polis Şöbəsində Cinayət Məcəlləsinin 182-ci (hədə-qorxu ilə tələb etmə) maddəsi ilə cinayət işi başlanıb. Faktla bağlı istintaq araşdırmaları aparılır.
Bölmənin digər xəbərləri
