Ailə üzvlərini qumbara ilə öldürməklə təhdid edən şəxs cinayət məsuliyyətinə cəlb olunub
Bakı, 17 mart, AZƏRTAC
Martın 15-də saat 23:20-də Daxili İşlər Nazirliyinin 102 - Zəng Mərkəzinə müraciət edən qadın Lökbatan qəsəbəsində yaşadıqları evdə atasının qumbara ilə onları öldürməklə hədələməsi barədə məlumat verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, bu cinayət əməlini törətməkdə şübhəli bilinən Y.Malakanov Qaradağ Rayon Polis İdarəsinin 10-cu polis bölməsi və Əlahiddə Çevik Polis Alayı əməkdaşlarının keçirdikləri təxirəsalınmaz əməliyyat tədbirləri ilə saxlanılıb. Ondan “UZRQM-2” markalı qumbara götürülüb.
Faktla bağlı araşdırma aparılır.
Bölmənin digər xəbərləri
