“Aimchess Rapid”: Şəhriyar Məmmədyarov ikinci yerə yüksəlib
Bakı, 16 oktyabr, AZƏRTAC
Azərbaycan qrosmeysteri Şəhriyar Məmmədyarov “Meltwater Champions Chess Tour” onlayn şahmat seriyasının səkkizinci mərhələsində daha dörd oyun keçirib.
AZƏRTAC xəbər verir ki, “Aimchess Rapid” adlanan mərhələ yarışının beşinci turunda şahmatçımız Almaniya təmsilçisi Vinsent Keymerə məğlub olsa da, sonrakı üç turda hindistanlı Aditya Mittal, macar Riçard Rapport, ispaniyalı David Anton Guijarro üzərində qələbə qazanıb. Aktivində 16 xal olan Ş.Məmmədyarov ikinci yerə yüksəlib.
Qeyd edək ki, ümumi mükafat fondu 150 min dollar olan turnirin qrup oyunlarından sonra ilk səkkiz yeri tutmuş şahmatçı pley-offa vəsiqə qazanacaq.
Bölmənin digər xəbərləri
