AKTYORUN YUBİLEY GECESİ
Teatrdan AZƏRTAC-ın müxbirinə bildirmişlər ki, teatrın bədii rəhbəri və direktoru, xalq artisti Əliabbas Qədirov, Teatr Xadimləri İttifaqı idarə heyətinin sədri, xalq artisti Azər Paşa Neymətov, xalq artistləri Səyavuş Aslan, Yaşar Nuri və başqaları Telman Adıgözəlovun istedadlı aktyor kimi yaratdığı obrazların sənətkarlıq xüsusiyyətlərindən danışmışlar. Onlar vurğulamışlar ki, yubilyar milli xalq-oyun tamaşalarının estetik prinsiplərinə əsaslanan, məzhəkə və məsxərə ifadə vasitələrindən şirələnən fərdi oyun ifadələrinə malik aktyordur.
Telman Adıgözəlov yaradıcılığına verilən yüksək qiymətə görə minnətdarlığını bildirmişdir.
Yubilyara qiymətli hədiyyələr və gül dəstələri təqdim olunmuşdur.
Sonda teatrın aktyorlarının və incəsənət ustalarının iştirakı ilə konsert olmuşdur.
Bölmənin digər xəbərləri
