ALİYƏ QARAYEVA VƏ ANNA QURBANOVA AVROPANIN ƏN GÜCLÜ 10 GİMNASTI SİYAHISINA DAXİL OLMUŞLAR

25.09.2006 [14:05]
Çap et
A⁺ A^-

AZƏRTAC-ın xüsusi müxbiri xəbər verir ki, Azərbaycan gimnastları Aliyə Qarayeva və Anna Qurbanova Moskvada başa çatmış bədii gimnastika üzrə 22-ci Avropa çempionatında qitənin 10 ən güclü gimnastı siyahısına daxil olmuşlar. Yaşlılar arasında çoxnövçülük üzrə “Mütləq Avropa çempionu” adı uğrunda final yarışının yekunlarına görə onlar müvafiq olaraq 6-cı və 10-cu yerləri tutmuşlar. Xatırladaq ki, yığmamız güclü komandaların - Rusiya, Ukrayna, Belarus və Bolqarıstan yığmalarının daxil olduğu “B” qrupunda yarışırdı.

Yeniyetmələr arasında gürz və lentlə yarışlarda Zeynəb Cavadlı və Leyla Şamilovadan ibarət Azərbaycan komandası 16-cı yeri tutmişdur. Buna baxmayaraq, Zeynəb Cavadlı gürzlə hərəkətlərdə yarışların finalına gəlib çatmışdır.

Çempionatın sonuncu günü, sentyabrın 24-də çoxnövçülüyün ayrı-ayrı növlərində yeniyetmələr arasında final yarışları və qrup hərəkətlərində çoxnövçülüyün iki növü üzrə final yarışları keçirilmişdir.

Zeynəb Cavadlı gürzlə hərəkətlərdə finala çıxaraq, 8-ci yeri tutmuşdur. Vəfa Hüseynova, Anna Bitiyeva, Valeriya Yeqay, Alina Tryopina və Anastasiya Prasolovadan ibarət komandamız qrup hərəkətlərinin finalında 5 lentlə 6-cı yerə, 3 halqa və 2 gürzlə 7-ci yerlərə çıxmışdır.

ALİYƏ QARAYEVA VƏ ANNA QURBANOVA AVROPANIN ƏN GÜCLÜ 10 GİMNASTI SİYAHISINA DAXİL OLMUŞLAR

MÜƏLLİFLƏ ƏLAQƏ

Bölmənin digər xəbərləri