Almaniyanın aparıcı banklarından olan “KFW” ölkəmizin energetika sisteminə 17,3 milyon avro kredit ayırmaq haqqında “Azərenerji” Səhmdar Cəmiyyəti ilə saziş imzalamaq niyyətindədir. 

Səhmdar Cəmiyyətinin mətbuat xidmətindən AZƏRTAC-a bildirmişlər ki, kreditdən 2003-2004-cü illərdə istifadə olunacaqdır. Bankın ekspertlərindən ibarət nümayəndə heyəti görüləcək işləri qiymətləndirmək üçün bu yaxınlarda Bakıya gələcəkdir. Bundan sonra layihə üzrə tender elan edilməsi nəzərdə tutulur.

Xatırladaq ki, “KFW” 1998-ci ildə “Azərenerji”yə 30 milyon Almaniya markası məbləğində güzəştli kredit ayırmışdı. Həmin vəsait Abşeron, Ağsu və Siyəzən rayonlarında yüksək gərginlikli yardımçı stansiyaların modernləşdirilməsinə yönəldilmişdir.